Gjakovë, 26 nëntor - Festa e madhe e flamurit kombëtar, do të shënohet këtë herë në Gjakovë bashkë me hapjen solemne të Qendrës më të madhe tregtare në rajon, “Nertili”.

Investimi tejet i madh që “Nertili” ka bërë në zgjerimin e ambjeteve të tij, e ka shndërruar atë në Qendrën Tregtare më të madhe në rajon.

Në mbi 40 000 metra2 kjo qendër gjigande përveç supermarketit, teknikës dhe shumë artikujve të tjerë, ngërthen në vete brende të njohura të tekstilit, pishina, fitnes, bolling, kinema, fusha të futbollit, tenisit, sallone bukurie, masazhe, sauna, restaurante dhe gjithçka tjetër që secili mund te kërkoj për nevojat e tij.

Eksluzivitet i e kësaj Qendre Tregtare është kati me i lartë, i cili është i rregulluar me ambiente tradicionale të ngjashme me \"Çarshinë e Vjetër\" në Gjakovë, ku përveç dyqaneve të shumta, qytetarët mund të kalojnë kohën edhe në restorantet e veçanta që gjenden në këtë pjesë. \"Çarshia e Vjetër\" si pjesa kryesore e kësaj Qendre Tregtare, do të filloj punën me 28 Nëntor të këtij viti.

Hapja solemne e Qendrës Tregtare Nertili bëhet me 28 nëntor 2013, në ora 17:00. Në këtë ceremoni janë ftuar të marrin pjesë personalitete të shquara të biznesit, përfaqësues të kompanive të fuqishme vendore dhe ndërkombëtare, figura të spikatura të kulturës si dhe përfaqësues të institucioneve të Republikës së Kosovës.