Shkruar nga Avni Tafili

Shpresojmë që Institucionet e Kosovës do të bëjnë më shumë se ç’kanë bërë deri më sot, për të përmbushur kriteret e kërkuara nga Udhërrëfyesi i Vizave, dhe t’i implementojë në përpikëri, në mënyrë që edhe Kosovës t’i hapen dyert e lëvizjes së lirë nëpër Europë.

Izolimi i Kosovës, futja e saj në geto, nuk i shërben as atyre që qeverisin me Kosovën, po as BE-së.

Lëvizja e lirë e qytetarëve të Kosovës do të krijonte një klimë më të butë dhe më të përballueshme, si në aspektin politik, po dhe social dhe ekonomik.

Është një shans që duhet shfrytëzuar maksimalisht që të ndodhë në këtë fundvit liberalizimi i vizave.

Mbetet të shihet se sa Institucionet e Kosovës janë të vendosura dhe sa ia duan të mirën qytetarëve të tyre.