12 Prill 2024

Bayern dhe Tottenhami arrijnë marrëveshje për kompensimin për Harry Kane

Mynih, 11 gusht - Sipas mediave britanike dhe gjermane, Bayern Mynihu dhe klubi londinez Tottenhami kanë arritur marrëveshje për shumën e kompensimit për Harry Kane, kështu që sulmuesi anglez do të luajë në Bundesligë duke filluar nga sezoni i ardhshëm.

Raportet e mediave thonë se Bayerni do t'i paguajë klubit të Premier Ligës angleze 100 milionë euro për 30-vjeçarin Kane, plus 20 milionë të mundshme për bonuse. Lojtari i kombëtares angleze do të nënshkruajë kontratë 4-vjeçare me gjigantin gjerman.

Kane pritet të udhëtojë që sot drejt Gjermanisë për t'iu nënshtruar ekzaminimeve mjekësore dhe më pas të nënshkruajë zyrtarisht kontratën me Bayernin.

Kane është një "fëmijë i Tottenhamit" ku ka kaluar të gjithë karrierën e tij, me huazime në Leyton Orient, Millwall, Norwich City dhe Leicester City. Ai luajti 435 ndeshje për Tottenhamin dhe shënoi 280 gola.

Me fanellën e kombëtares së Anglisë ka 84 paraqitje me 58 gola.
 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)