Prishtinë, 17 shkurt - Në një konferencë shtypi, sot zëvendëskryeministri i Kosovës Begjet Pacolli njoftoi se Uganda ka njohur pavarësinë e Kosovës.

Uganda, shtet afrikan me më shumë se 30 milionë banorë, është shteti 88 që ka njohur pavarësinë e Kosovës.

Këtë e ka bërë të ditur këshilltari i zëvendëskryeministrit, Behxhet Pacolli, Jetlir Zyberaj, i cili në një konferencë për media solli më vete edhe letrën verbale të njohjes.

Sipas tij, nota verbale kishe ardhur në adresë të zyrës së zëvendëskryeministrit Pacolli, pasi që, siç tha ai, ai ka qenë edhe kanali i vetëm që ka realizuar lobim për njohje të Kosovës nga ky shtet.