Washington, 14 nëntor - Presidenti i zgjedhur amerikan Donald Trump ka emëruar kryetarin e Komitetit Kombëtar Republikan Reince Priebus si shef të kabinetit të tij.

Në një deklaratë zyrtare thuhet po ashtu se menaxheri i fushatës së Trump-it Stephen Bannon do të jetë kryestrategjisti dhe këshilltar i lartë i tij.

Këto janë emërimet e para të rëndësishme që Trump ka bërë që prej fitores së tij në zgjedhjet e javës së kaluar.

Ai ka emëruar zv./presidentin e zgjedhur Mike Pence në krye të ekipit të tranzicionit të pushtetit.