Washington, 11 janar - Presidenti i shtetit, Hashim Thaçi, i cili po qëndron për një vizitë në Shtetet e Bashkuara të Amerikës ka njoftuar se ka pasur një takim tepër të rëndësishëm me senatorin John McCain, që padyshim përveç që është një hero i gjallë amerikan, ai është edhe një mik shumë i çmuar i Kosovës.

\"Sapo përfundova një takim tjetër tepër të rëndësishëm me senatorin John McCain, që padyshim përveç që është një hero i gjallë amerikan, ai është edhe një mik shumë i çmuar i Kosovës.\"

\"Diskutuam për të gjitha zhvillimet në rajonin tonë dhe më gjerë, duke u fokusuar në nevojën që ShBA-ja të vazhdojë me rolin e vet udhëheqës në Kosovë\", ka theksuar Thaçi.

Një çështje konkrete për të cilën ata kanë diskutuar dhe për të cilën sipas Thaçit janë pajtuar, ishte domosdoshmëria e themelimit të ushtrisë së Kosovës, e cila është jetike për ruajtjen e sovranitetit tonë shtetëror.

\"Mikun tonë, senatorin McCain, e ftova që ta vizitojë Kosovën dhe shpresoj që ai do ta bëjë këtë vizitë në të ardhmen\", ka deklaruat Presidenti Thaçi.