Bruksel, 16 mars - Këtë të premte, më 20 mars, Evropa do të përjetojë një eklips total të Diellit, i cili pritet të shikohet lehtësisht edhe në Shqipëri.

Parashikohet që eklipsi total i Diellit do të nisë në orët e para të mëngjesit. 

Hëna do të mbulojë plotësisht Diellin në disa vende të veriut të Evropës, ku pritet që të shikohet mbulimi mbi 90% i tij.

Eklipsi i radhës në të tilla nivele parashikohet në vitin 2026 dhe errësira totale do të jetë në Islandë. Eklipsi i 20 marsit është i nënti për shekullin e 21-të.

Për të vëzhguar eklipsin është e nevojshme të mbani syze speciale të krijuara posaçërisht për të, dylbi të mbuluara me një filtër diellor ose mund të përdorni një teleskop diellor.

Kujdes, pasi të shihni një eklips diellor pa mbrojtje të përshtatshme mund të shkaktojë verbëri. Syzet e diellit nuk duhet të përdoren për të parë eklipsin.