Moskë, 15 gusht - Ish-agjenti i NSA dhe zbuluesi i programeve të përgjimit të Amerikës, po ëndërron kthimin në Amerikë.

Kanali televiziv Press Tv njoftoi se Edward Snowden të mërkurën deklaroi se për arsye të logjikshme është i gatshëm të kthehet në mënyrë vullnetare në Amerikë dhe ta vuaj dënimin me burg në këtë vend.

Snowden shtoi se nuk dëshiron që Amerika t’i përdor ligjet si mjete politike për t’i shtypur të drejtat e njerëzve.

Ai gjithashtu tha se e ka informuar Qeverinë e Amerikës se është i gatshëm që në mënyrë vullnetare të kthehet në këtë vend dhe të vuaj dënimin me burg sipas ligjeve amerikane për aq kohë se e caktojnë ligjet.

Vlen të theksohet se Edward Snowden në vitin 2013 ka zbuluar dhe publikuar shumë dokumente sekrete në lidhje me aktivitetin spiunazh të Agjencisë për Sigurisë Kombëtare të Amerikës, gjë që ka krijuar protesta të gjera të qytetarëve në Amerikë dhe në shumë vende të tjera të botës.