Skandinavët janë më të lumturit në Evropë
Në kreun e listës janë shtetet skandinave, banorët e të cilave janë më të lumturit në Evrupë, të cilët kanë vlerësuar jetën e tyre me notë mesatare 8 nga maksimalja 10, që në princip nënkupton lumturi të plotë. Notën 8 e kanë dhënë edhe zviceranët, ndërsa pas tyre vijnë Irlandezët dhe Norvegjezët me notë 7.9 dhe Holadezët dhe Austriakët me notë 7.8.
Në fundin e listës gjinden Serbia, Bullgaria, Greqia, Qipro, Hungaria dhe Portugalia. Bullgarët kanë vlerësuar jetën e tyre me notën 6.2.
Hetimi i “Eurostat” nuk përmban të dhëna për Maqedoninë, Shqipërinë, Kosovën, Malin e Zi, Bonsnjën dhe Turqinë.
Këto rezultate vijnë nga një hulumtim i vitit 2013. Analiza e të dhënave tregon se ndjenja e kënaqësisë jetësore është më e madhe tek mosha rinore prej 16 deri 24 vjet, ndërsa zvogëlohet tek njerëzit që kanë mbushur të 75-tat.
Në analizë vërehet se një pjesë e njerëzve më shumë e shikojnë gjendjen finansiare dhe lidhjet sociale, ndërsa shumica e njerëzve si faktor më të rëndësishëm e konsiderojnë shëndetin.
