Washington, 4 maj - Shtetet e Bashkuara të Amerikës kanë testuar një raketë balistike me rreze të gjatë veprimi.

Komanda e Sulmeve Globale të Forcave Ajrore të SHBA njoftoi përmes një komunikate me shkrim lëshimin e raketës balistike ndërkontinentale “Minuteman 3”, pa mbushje luftarake, nga baza ajrore Vandenberg e Kalifornisë.

Në komunikatë theksohet se raketa ka mbërritur në objektivin e saj 6.759 km larg bazës ajrore.

Pjesë e fuqisë bërthamore të SHBA-së, prova në fjalë planifikohej që prej 10 muajsh me qëllim testimin e përgatitjes dhe ndjeshmërisë luftarake të sistemit amerikan të armatimit.

Dihet botërisht që Shtetet e Bashkuara të Amerikës kanë në inventarin e tyre ushtarak rreth 450 raketa balistike ndërkontinentale të këtij lloji, me rreze veprimi deri në 12.874 km.