Washington, 13 janar - Dhoma e Përfaqësuesve në SHBA miratoi ligjin për vendosjen e sanksioneve më të ashpra kundër Koresë së Veriut, për shkak të testit të fundit bërthamor të Penianit.

Ligji u miratua me 418 vota pro.

Në këtë ligj janë parashikuar sanksione ndaj atyre që kryejnë transaksione me Korenë e Veriut për armët e shkatërrimit në masë, mallra luksi, pastrim parash, falsifikim dhe abuzim me të drejtat e njeriut.

Lista e sanksioneve nuk përfundon me kaq, ligji parashikon gjithashtu sanksione ndaj çdokujt që angazhohet në transaksione financiare për të mbështetur aktivitetet e ndaluara të Penianit dhe zhvillimin e industrisë kërcënuese kibernetike.