Bagdad, 9 nëntor - Ushtria e Shteteve të Bashkuara ka thënë se ka goditur udhëheqësit e Shtetit Islamik (IS) në Irak.

Zyrtarë të mbrojtjes amerikane kanë thënë se sulmet ajrore kanë shkatërruar një konvoj të dhjetë automjeteve pranë qytetit Mosul.

Ata nuk kanë mundur të konfirmojnë nëse lideri kryesor i Shtetit Islamik, Abu Bakr al-Baghdadi, ka qenë në mesin e të qëlluarve, edhe pse disa raporte thonë se ai është plagosur.

Al-Baghdadi e ka shpallur veten kalif, apo lider suprem, të territoreve të Irakut dhe Sirisë që kontrollohen nga Shteti Islamik.