Washington, 28 tetor - Shtetet e Bashkuara të Amerikës kanë njoftuar se do të përfshijnë edhe sulmet tokësore në fushatën e tyre ndaj ISIS-it në Irak dhe Siri.

Sekretari i Mbrojtjes Ash Carter tha se do të shtoheshin edhe sulmet ajrore ndaj “objektivave të rëndësishëm”.

Këto komente ai i bëri në Komitetin e Senatit të Shërbimeve të Armatosura.

“Nuk do të hezitojmë në mbështetjen e partnerëve tanë në sulmet ndaj ISIS-it, qofshin ato ajrore apo tokësore. Do të intensifikojmë sulmet ajrore ndaj objektivave të rëndësishëm”, tha Carter.