Washington, 2 maj - Departamenti amerikan i Shtetit lëshoi një njoftim udhëtimi për qytetarët, duke nënvizuar kërcënimin e vazhdueshëm të terrorizmit në Europë.

Njoftimi paralajmëron se grupet ekstremiste si Shteti Islamik dhe Al-Kaida kanë aftësi që të planifikojnë dhe ekzekutojnë sulme terroriste në Europë, duke nënvizuar sulmet e fundit në Francë, Suedi, Britani dhe Rusi.

Njoftimi thotë gjithashtu se terroristët vazhdojnë të shënjestrojnë vendet publike si objektiva të mundshëm dhe do të vazhdojnë të përdorin një sërë taktikash që janë të vështira për t\'u parashikuar.

Ky alarm i Departamentit të Shtetit është i vlefshëm deri më 1 shtator.