Beograd, 28 janar - Angazhimi i Ministrit të ri Amerikan të Mbrojtjes, Jamess Mattis për formimin e ushtrisë së Kosovës ka alarmuar mediat e Serbisë.

Mediat serbe kanë transmetuar dhe komentuar raportin e Sekretarit amerikan të Mbrojtjes, Jamess Mattis, i cili nga Senati amerikan ka kërkuar formimin e Ushtrisë së Kosovës.

Artikulli i njërës nga gazetat më të lexuara në Serbi, beogradases “Blic”, nis me titullin “Qeni i tërbuar i Trumpit porosit formimin e Forcave të Armatosura të Kosovës”.

“Ministri amerikan i Mbrojtjes, James Mattis, porosit që para zvogëlimit të pranisë së forcave amerikane në Kosovë, forcat vendore të Kosovës duhet të marrin mandatin për mbrojtjen e vendit”, shkruan “Blic”.

Edhe gazeta “Danas”, duke cituar mediat kosovare, thotë se qëndrimi i administratës amerikane karshi Kosovës mbetet i pandryshueshëm.

Ndërsa, portali “Telegraf.rs” vjen me titullin “Trump shumë i ashpër në qëndrime: Kosova duhet ta formojë ushtrinë”, duke vazhduar më tej se krahas kësaj pritet që Serbia ta njoh Kosovën.

Ndërsa, agjencia e pavarur e lajmeve “B92”, lajm kryesor e ka deklaratën e Sekretarit të Mbrojtjes se po formohet Ushtria e Kosovës.

Edhe portali politika.rs ka raportuar se \"medat në Prishtinë thonë se Mattis deklaron se duhet formuar ushtria e Kosovës\".

Sekretari i ri amerikan i Mbrojtjes, James Mattis në një dëshmi me shkrim për Senatin.

Në një raport drejtuar Senatit, Sekretari Amerikan i Mbrojtjes thekson se FSK duhet të shndërrohet në ushtri.

Ai e ka mbështetur dialogun Prishtinë- Beograd derisa ka shtuar se, njohja e sovranitetit të Kosovës nga Serbia do të adresohet para anëtarësimit në Bashkimin Evropian.

“Për më tepër, para se të jetë i arsyeshëm reduktimi i prezencës së trupave ushtarake amerikane, Forca e Sigurisë së Kosovës duhet të pranojë urdhrin për të administruar siguri të brendshme dhe mbrojtje territoriale, një zhvendosje e cila do të kërkonte ndryshime kushtetutore me mbështetje parlamentare”, kishte thënë Mattis, në një përgjigje me shkrim drejtuar Senatit.