Vatikan, 16 qershor - Presidenti i Republikës së Kosovës, Hashim Thaçi, ka udhëtuar për në Selinë e Shenjtë në Vatikan, ku do të takojë Atin e Shenjtë, Papa Françeskun, në një audiencë private.  

Gjatë vizitës së tij në Selinë e Shenjtë, pas takimit me Papa Françeskun, presidenti Thaçi do të takojë edhe Sekretarin e Shtetit, kardinalin Pietro Parolin.

Gjithashtu, i pari i vendit do të marrë pjesë edhe në drekën e shtruar nga Presidenti i Këshillit Papnor për Familjen, kryeipeshkvi Vincenzo Paglia.

Kurse vizitën e tij në Selinë e Shenjtë, presidenti Thaçi do ta mbyllë me pjesëmarrjen në meshën e shenjtë, të organizuar nën patronatin e Presidentit të Republikës së Kosovës për nder të shenjtërimit të Nënës Tereze.