Berlin, 12 shtator - Kryetari i Këshillit për Politikë të Jashtme të Bundestagut, Rupreht Polenz ka deklaruar se gjatë negociatave për anëtarësim në BE, Serbia do të detyrohet ta njohë Kosovën.

“Nuk do të mund të anashkalohet që Serbia të njohë e ta pranojë pavarësinë e Kosovës dhe kjo është mirë të ndodhë para anëtarësimit në BE”, ka thënë Polenz.

Sipas tij, është shumë me rëndësi se si Serbia do të sillet ndaj serbëve në Kosovë.