OKB ripërtërin strukturat e luftës kundër terrorizmit
Asambleja e Përgjithshme e OKB-së pranoi të enjten propozim e sjellë në muajin prill nga sekretari i ri i përgjithshëm, Antonio Guterres.
\"Zyra e re do të drejtohet nga një ndihmës sekretar i përgjithshëm që ende nuk është përcaktuar dhe se mund të jetë një rus\", thanë disa burime diplomatike.
Kjo zyrë do të përmbledhë ekipet speciale të tanishme të luftës kundër terrorizmit (CTITF) dhe Qendrën e Kombeve të Bashkuara për Luftën Kundër Terrorizmit (UNCCT).
Nga ana tjetër, pjesa ekzekutive e Komitetit Kundër Terrorizmit (CTED), e mandatuar nga Këshilli i Sigurimit, do të vazhdojë të japë analiza dhe raporte për Këshillin.
