Raka, 9 janar - Një luftëtar i Shtetit Islamik njoftohet se ka ekzekutuar nënën e tij në qytetin Raqqa të Sirisë, pasi ajo i kërkoi që të dilte nga organizata, sipas një grupi vëzhgimi.

Observatori Sirian për të Drejtat e Njeriut me qendër në Britani, thotë se luftëtari 20 vjeçar e qëlloi për vdekje të ëmën para qindra vetëve në një shesh qendror para dy ditësh.

Sipas Observatorit, gruaja që sipas njoftimeve ishte në të dyzetat, ishte përpjekur ta bindte që ta linte Shtetin Islamik dhe të arratisej nga qyteti me të.

Ajo ishte ndaluar pasi ai e informoi grupin për komentet e saj.