Bruksel, 13 mars - Shefja e diplomacisë së Bashkimit Evropian, Federica Mogherini ka kërkuar falje para deputetëve në Parlamentin Evropian, pasi që ajo kishte përdorur emrin kushtetues të Maqedonisë dhe nuk kishte përdorur emërtimin e njohur FYROM.

Mogherini ka bërë këtë akt pasi që ditë më parë kishin reaguar kryesisht evrodeputetët grek, të cilët ishin revoltuar me fjalimin e saj, ku ajo kishte përdorur emrin kushtetues të Maqedonisë.

 “Unë gjithmonë i referohen si IRJM. Gabime të këtilla ndodhin ndonjëherë kur ju merreni me kriza përgjatë gjithë kohës dhe pas udhëtimeve të shumta. Unë kërkoj falje për këtë pasi unë gjithmonë qëndroj në emrin e njohur zyrtarisht dhe kam diskutuar këtë çështje me autoritetet greke”, ky ishte arsyetimi i Mogherinit.