Romë,4 gusht - Gjatë fundjavës që sapo kaloi Marina Ushtarake italiane u përfshinë në shpëtimin e mijëra imigrantëve ilegalë, të cilët vijnë nga vendet afrikane dhe shtetet ku po zhvillohen luftime.

Mbi  një mijë imigrantët ilegalë kanë zbarkuar në portin e Tarantos dhe anë rrjedhojë e ndërhyrjeve shpëtuese mes të premtes dhe të shtunës në Kanalin e Siçilisë.

Gjatë fundjavës që kaloi mjetet aerodetare të Marinës Ushtarake italiane u përfshinë vazhdimisht në shpëtimin e mijëra imigrantëve ilegalë, që mbërrinin në gadishullin Apenin nga brigjet e Afrikës Veriore, njoftoi kjo marinë.

”Mes të premtes dhe të dielës u shpëtuan të paktën 2 500 persona nga anijet e përfshira në operacionin ‘Mare Nostrum’, mes të cilave anijet ‘Aliseo’ dhe ‘Fasan’, anija amfibe ‘Sfinge’, ajo ‘San Giusto’ dhe helikopterët”, ka njoftuar marina italiane.