Berlin, 31 dhjetor - Në fjalimin e saj tradicional të Vitit të Ri, kancelarja gjermane, Angela Merkel ka përgatitur gjermanët për një vit të ri të vështirë.

Në të njëjtën kohë ajo ka demonstruar mirëbesim dhe kërkoi besim tek Europa dhe euro.

Monedha e përbashkët, tha Merkel e ka bërë jetën tonë të përditshme më të lehtë dhe ka forcuar ekonominë.

Ajo do të bëjë gjithçka për ta forcuar atë. Rruga e daljes nga kriza do të jetë e gjatë dhe me sakrifica, tha Merkel.

"Europa, megjithatë do të dalë më e fortë prej saj", u shpreh kancelarja gjermane, e cila i bëri thirrje qytetarëve të angazhohen më shumë për të ardhmen e vendit.

Nga muaji Shkurt do të hapet për këtë në internet një dialog për të ardhmen.