Kosova nënshkruan sot MSA-në
Marrëveshjen do të nënshkraujë Kryeministri Isa Mustafa së bashku me Përfaqësuesen e Lartë për Politikën e Jashtme dhe të Sigurisë, Federika Mogherini.
Me 22 tetor Këshilli i Bashkimit Evropian miratoi Marrëveshjen e Stabilizim Asociimit ndërmjet Kosovës dhe Bashkimit Evropian.
Miratimi i MSA-së në Këshillin e BE-së shënon përfundimin e procesit të Marrëveshjes së Stabilizim Asociimit dhe hap rrugë për nënshkrimin e MSA-së sot në Strasburg.
MSA parasheh themelimin e marrëdhënieve kontraktuale ndërmjet Kosovës dhe Bashkimin Evropian dhe paraqet hapin e parë formal drejt anëtarësimit të plotë në BE.
Pas nënshkrimit të kësaj marrëveshje mes Kosovës dhe BE-së, do të duhet ratifikimi i saj në 28 parlamentet anëtare të Bashkimit Europian, një proces që nuk duket se do jetë dhe aq i lehtë, kur në mes, janë dhe 5 shtete që ende nuk e kanë njohur pavarësinë e Kosovës.
Por, nënshkrimi i i marrëveshjes ndodhë në një periudhë kur Kosova po përballet me përplasje ndërmjet koalicionit qeverisës dhe partive opozitare të cilat kanë bllokuar tash e më shumë se një muaj edhe punën e parlamentit në shenjë kundërshtimi ndaj marrëveshjeve me Serbinë.
