Athinë, 20 gusht - Greqia planifikon të pakësojë mbipopullimin e kampeve të imigrantëve në ishujt e saj, që të qetësoi tensionin në rritje dhe të përmirësojë kushtet, të cilat disa aktivist i quajnë “mizore”.

Mbi 10 700 imigrantë aktualisht janë të strehuar në 5 ishujt të Greqisë, të cilët kanë kapacitet për 7450 veta. Tani Greqia po planifikon të ndërtojë disa kampe të rinj me kapacitet rreth 1000 veta secili, që ti transferojnë imigrantët nga ishujt si dhe nga qendrat e tjera të përmbushura ose qendra të përkohshme për strehim. Në Greqi aktualisht ka përgjithësisht 57 679 imigrantë. Vendi ka një kapacitet për strehimin e 61 409 imigrantëve.