Federata Ndërkombëtare e Gazetarëve: 106 gazetarë të vrarë në 2011
Federata Ndërkombëtare e Gazetarëve(IFJ) tha se më shumë se 100 gazetarë dhe personel tjetër i mediave janë vrarë në 2011-tën, duke shënuar kështu një rritje krahasuar me vitin e kaluar.
Raporti bën me dije se dhuna më e egër ndaj mediave në vitin 2011-të ishte ne Pakistan, Irak dhe Meksikë, ku janë raportuar nga 11-të të vrarë në secilin nga këto vende.
Konkretisht të dhënat flasin për 106 gazetarë të vrarë në vitin 2011-të, krahasuar me 94 në 2010-ën.
IFJ ka kërkuar nga OKB që të bëjë më shumë në mbrojtjen e gazetarëve. IFJ përfaqëson më shumë se 600 mijë gazetarë nga 100 vende në tërë botën.
