Washington, 20 korrik - Donald Trump siguroi nominimin e Partisë Republikane për në Shtëpinë e Bardhë.

Lajmin e njoftoi gjatë Konventës së Republikanëve të mbajtur në Klevland senatori i Alabamës, Jefferson Sessions.

\"Është nder i madh dhe kënaqësi për mua të nominoj zotin Donald Trump për postin e presidentit të Shteteve të Bashkuara të Amerikës. Zoti ju bekoftë!\"

Votimi në shtete të ndryshme amerikane për nominimin e Donal Trumpit u bë një ditë pas përpjekjes së dështuar të kundërshtarëve të tij politikë për të penguar kandidaturën e tij nëpërmjet votimit.

Ndërkohë guvernatori i shtetit Indiana, Mike Pence u emërua për postin e zëvendëspresidentit të ardhshëm amerikan.