Beograd, 8 shkurt - Ndaj Beogradit dhe Prishtinës do të bëhet një presion i madh diplomatik në mënyrë që deri në qershor të arrihen marrëveshje për çështjet e projektuara në agjendën për Kosovën.

Ndoshta edhe do të ketë edhe marrëveshje të nënshkruara, madje edhe “dokument të parafuar” për normalizimin, përkatësisht për marrëdhënie të mira.

Siç shkruan gazeta ”Novosti” e Beogradit, në kreun e diplomacisë evropiane, ambicie e përfaqësueses së lartë të BE Catherin Ashton është që i gjithë ky proces të  rrumbullakohet deri në samitin e Këshillit Evropian në fund të qershorit në mënyrë që  rasti Kosovë – Serbi të kalohet në sektorin për zgjerim, përkatësisht në kabinetin e Stefan Fueles.

Brukseli pret që në muajt e ardhshëm të mbahen një ose dy takime të nivelit më të lartë ndërmjet Jahjagës e Nikoliqit e pritet të mbahen edhe tri runde bisedimesh Thaçi – Daçiq.