Sofje, 23 qershor - Një studim i agjencisë sociologjike “Gallup International” në vigjilje të referendumit britanik për anëtarësim në BE tregon se besimi i bullgarëve ndaj Bashkimit mbetet i lartë, por është në fazën e tij më të ulët pas aderimit të Bullgarisë në të.

Gjatë qershorit 48 për qind e të anketuarve kanë shprehur besimin e tyre, kurse 38 për qind – mosbesimin në BE. Vetëm deri përpara disa muajsh besimi lëvizte rreth 60 për qind, kurse mosbesimi arrinte rrallë 30 për qind. Në të njëjtën kohë bullgarët mendojnë se ka pak të ngjarë që rezultati i referendumit në Britaninë e Madhe të ndikojë mbi mënyrën e tyre të jetesës.