Botë, 30 dhjetor - Kriza në zonën e euros, trazirat politike në Lindjen e Mesme dhe në Afrikën e Veriut, avaria në centralin bërthamor japonez “Fukushima-1” kryesuan listën e 10 ngjarjeve më të rëndësishme të vitit në përfundim, e cila u përpilua nga mass mediat e BE-së.

Në këtë listë u përfshinë gjithashtu edhe trazirat e papara në qytetet e Britanisë së Madhe në muajin gusht, eliminimi i Osama bin Laden prej forcave amerikane të repartit të destinacionit të posaçëm, dasma e Princit britanit William dhe Kate Middleton.

Pastaj vdekja e themeluesit të kompanisë “Apple” Steve Jobs, akti i dyfishtë terrorist i kryer nga Anders Breivik në kryeqytetin e Norvegjisë, nënshkrimi i marrëveshjes për pranimin e Rusisë në OBT dhe mbyllja e së përjavshmes me shumë popullaritet në Evropë “News of the World”.