New York, 1 janar - Rreth 1 milion njerëz kanë festuar ndërrimin e viteve në “Times Square” në New York, nën masa të forta sigurie, për shkak të frikës së sulmeve terroriste.

Dhjetëra helikopterë dhe 10 mijë agjentë policie, shumë prej të cilëve të vendosur në pikat më të larta të ndërtesave, ishin vënë në dispozicion të ceremonisë festive që shënon ndërrimin e viteve në sheshin e Nju- Jorkut.

Kryebashkiaku Bill De Blasio ka shtypur butonin e zbritjes së sferës gjigante të kristalit, e cila shënon minutën e fundit të vitit të vjetër.