Ankara, 10 mars - Turqia ecën me hapa të sigurta drejt numrit rekord të turistëve. Kryetari për rajonin e Egjeut të Unionit të Agjencive të Udhëtimeve në Turqi (TURSAB), Tollga Gencer tha se turistët tregojnë një interes të madh dhe në fushatën për prenotime të hershme, që ka filluar në muajin nëntor, është hyrë në 2 muajt e fundit.

Ai tha se në rajonin e Egjeut fushatat janë pasqyruar më shumë në hotelet e Bodrumit, Marmarisit dhe Kuşadası dhe shtoi: “70% e hoteleve në Egje janë mbushur që tani. Këtë vit po ecim me hapa të sigurt drejt numrit rekord të turistëve që presim”.

Genxher bëri vlerësime edhe në lidhje me sezonin dhe u shpreh duke thënë: “Në krye qëndrojnë përsëri tregjet tona tradicionale, Rusia dhe Gjermania. Gjithashtu shohim se në mbarë Evropën ka një drejtim ndaj Turqisë. Ky sezon do të kalojë shumë mirë për sektorin e turizmit”.  

Edhe Anëtari i Bordit Drejtues të TURSAB-it, Ibrahim Halil Kalay tha se fushata për turizmin që vazhdon prej 4 muajsh ka qenë shumë e ngjeshur. 

Ai tha se objektivi i Turqisë për turistët e huaj është rritur në 50 milionë turistë dhe deri më tani, në prenotimet e hershme kryesojnë hotelet në Antalja, gjithashtu interes të madh ka edhe për hotelet në Muğla.