Tibet, 4 shtator - Parashikohet që sivjet Tibeti do të presë mbi 10 milionë turistë nga brenda e jashtë Kinës dhe të ardhurat pritet të arrijnë në 12 miliardë juanë, u bë e ditur të hënën nga Drejtoria e Turizmit e Rajonit Autonom të Tibetit.

Siç mësohet, gjatë tetë muajve të parë të vitit, Tibeti ka pritur mbi 7 milionë vizitorë, shifër kjo 25% më e lartë në krahasim me të njëjtën periudhë të vitit të kaluar.

Gjithashtu, të ardhurat nga turizmi u shtuan me 7.5 miliardë juanë, 30% më shumë krahasuar me të njëjtën periudhë të një viti më parë.