Tiranë, 23 dhjetor - Shqipëria është një nga 13 destinacionet kryesore turistike për vitin 2013. Sa i takon vendeve të Ballkanit, Shqipëria do të jetë destinacioni kryesor. Të paktën ky është propozimi që bën “G Adventure”.

Kjo është hera e parë që kompania “G Adventures” vendos Shqipërinë në krye të destinacioneve kryesore.  Vitin e kaluar, vendi ynë tërhoqi mbi 4 milionë vizitorë apo 277 mijë më shumë se vitit 2011-të, transmeton Shekulli.

Njohja e kufizuar dhe dëshira për eksplorim vazhdojnë të jenë pikat më tërheqëse e Shqipërisë ndërsa çmimet e ulëta dhe ushqimi bio janë një vlerë e shtuar tani në kohë krize.