Rritet numri i turistëve Krujë
Kjo bëhet e ditur nga burime zyrtare nga drejtoria e muzeumeve, të cituara nga "Balkanweb", që shtojnë se numri i turistëve pritet të rritet ndjeshëm gjatë muajve të verës.
Gjatë këtij viti vendin e parë ndër vizitorët e huaj e zenë polakët, grupe të mëdha të të cilëve pasi shkojnë për pushime në Malin e Zi e kalojnë një ditë në Krujë dhe në mjediset muzeale.
Turistët nga Çekia shprehin më shumë interes për muzeun etnografik, të vendosur në një banesë karakteristike të vitit 1760, ndërsa belgët dhe në përgjithësi vizitorët që vijnë nga vendet perëdimore, kanë interes për figurën e Skënderbeut dhe muzeut kushtuar heroit kombëtar.
Në gjysmën e dytë të këtij viti pritet një rritje e numrit të turistëve nga Rusia, pas heqjes së regjimit të vizave për turistët nga ky vend për sezonin veror.
Burime nga ambasada e Rusisë në Tiranë shtuan se vizitat e tyre do të koordinohen nga agjencitë turistike.
