Rriten të ardhurat nga turizmi në Turqi
Ministri i Ekonomisë, Zafer Çaëllajan bëri një vlerësim të këtyre shifrave dhe zhvillimeve të fundit në sektorin, që ai mbulon.
Instituti Turk i Statistikave publikoi të ardhurat nga turizmi për çerekun e 2-të të vitit.
Të ardhurat nga sektori turistik për periudhën prill-qershor janë rritur me 22,8 për qind në krahasim me të njëjtën periudhë të vitit të mëparshëm.
Një vlerësim për këtë çështje bëri edhe ministri i Ekonomisë, Zafer Çaëllajan.
“Të ardhurat nga turizmi në këtë periudhë janë 8 miliardë e 677 milionë dollarë. Një rritje prej 12,8 për qind është regjistruar edhe në numrin e vizitorëve. Kjo tregon se sektori dhe të ardhurat turistike të Turqisë po rriten në mënyrë të jashtëzakonshme”, tha ai.
Një tjetër tregues i rritjes së besimit në ekonominë turke është edhe “indeksi i besimit të konsumatorit”.
Këtë vit për herë të parë indeksi në fjalë ka kapërcyer vlerat e vitit paraardhës.
Ministri Çaëllajan ndau me gazetarët e pranishëm në konferencën për shtyp edhe rezultatet e sondazhit pranveror të Eurobarometrit, një raport që përfshin vendet anëtare dhe kandidate të Bashkimit Evropian.
Sondazhi shpalos se besimi ndaj BE-së dhe imazhi i saj ka prekur nivelin më të ulët të 10 viteve të fundit në opinionin publik evropian.
Ndërsa Turqia vazhdon të rifreskojë besimin.
“Pika më tronditëse e këtij sondazhi spikat në përgjigjet, që të anketuarit i kanë dhënë pyetjes mbi situatën ekonomike të vendeve përkatëse.\"
\"Vetëm 26 për qind e të anketuarve e vlerësojnë si pozitive ekonominë e Bashkimit Evropian, ndërsa gati dyfishi i tyre, pra 51 për qind e pjesëmarrësve në sondazh vlerësojnë pozitivisht ekonominë e Turqisë”, përfundoi ministri i Ekonomisë, Zafer Çaëllajan.
