Prishtinë, 9 gusht - Ministri i Turizmit dhe Mjedisit të Republikës së Shqipërisë, Blendi Klosi do të realizoj një vizitë sot në Prizren.

Gjatë qëndrimit të tij në Prizren, ministri Klosi do të ketë takime me Ministrin e Tregtisë dhe Industrisë të Kosovës, Bajram Hasani, Kryetarin e Komunës së Prizrenit, Mytaher Haskuka, drejtues të Festivalit DokuFest dhe operatorë turistikë e organizata të kulturës që veprojnë në Kosovë.

Vizita e Ministrit është vazhdimësi e përpjekjeve të përbashkëta për nxitjen e bashkëpunimit turistik mes Shqipërisë dhe Kosovës.