Gjlan, 20 dhjetor - Kryetari i Komunës së Gjilanit, Lutfi Haziri dhe Zëvendësshef i Seksionit për Bashkëpunim në Zyrën e BE-së në Kosovë, Libor Chlad do të marrin pjesë në ceremoninë e hapjes së Qendrës artizanale në Gjilan.

Qendra artizanale është zbatuar nga OJQ-të Dyer të Hapura nga Kosova dhe Këshilli Kombëtar për Barazi Gjinore nga Ish Republika Jugosllave e Maqedonisë.

Projekti financohet nga Bashkimi Evropian dhe menaxhohet nga Zyra e Bashkimit Evropian në Kosovë për të përmirësuar shërbimet e turizmit dhe në veçanti për të ruajtur vlerat jomateriale të trashëgimisë kulturore.