Tiranë, 21 korrik - Sezoni turistik i këtij viti në Shqipëri po përballet me probleme që kanë ndikuar në fluksin e turistëve të huaj që futen përmes agjencive turistike vendëse.

Fushata elektorale dhe kushtet atmosferike kanë pasur ndikim të drejtperdrejt në këtë sezon turistik veror.

Përfaqësues të operatorëve turistikë në Shqipëri pohojnë se sezoni turistik veror i këtij viti ka nisur me vonesë për shkak të fushatës eklektorale, por edhe kushteve  atmosferike. 

Sipas tyre, do të ishte në të mirë të fuqizimit të këtij sektori të rëndësishëm për ekonominë e vendit që, në të ardhmen, fushatat elektorale të mos zhvillohen gjatë sezonit turistik.