Vazhdojnë barrierat për produktet kosovare në tregun e Shqipërisë
Ky vendim sipas Gerxhaliut diskualifikon prodhimet kosovare të prodhuara në Newco IMK Pipe Factory L.L.C në Ferizaj nga një konkurrim i barabartë në tregun shqiptar sepse çmimi i këti prodhimi është për 20% (TVSH) më i lartë.
"E tëra kjo do të ndikojë që partnerët në Shqipëri të hezitojnë të blejnë gypat të çelikut, theksoi Gërxhaliu.
Vllahiu theksoi se shpreh keqardhje për këtë vendim të Këshillit të Ministrave nga Shqipëria por njëkohësisht edhe habitemi me një vendim aq përjashtues për gypat tanë.
"Gjithashtu, ne jemi të bindur se vendimi për lirim nga TVSH-ja është marrë për të gjitha llojet e gypave përfshirë edhe gypat e çelikut, por që ka ndodhur një lëshim i paqëllimshëm administrativ dhe procedural gjatë përpilimit të listës për përjashtim nga TVSH të makinerisë dhe pajisjeve tjera përcjellëse dhe gypat e çelikut kanë mbetur jashtë listës".
Për Ndërmarrjen tonë tregu në Shqipëri është shumë i rëndësishëm, andaj shpresojmë që Oda Ekonomike e Kosovës me autoritetin e vetë do të na ndihmojë në arritjen e qëllimit tonë për një barazi konkurruese në Shqipëri dhe do të ndikoj në ndryshimin e vendimit të marr nga Këshilli i Ministrave të Shqipërisë VKM Nr. 180 të datës 13.02.2013, theksoi ai.
"Jemi të vetëdijshëm se ndërmarrja Newco IMK Pipe Factory L.L.C në Ferizaj, Kosovë, është një nga ndërmarrjet më të mëdha në Evropën Juglindore në industrinë e prodhimit të gypave dhe profileve të çelikta dhe humbja e këtij tregu do të kishte efekte negative të shumëfishta për ekonominë kosovare."
Po ashtu është koha kur marrëveshjet ndërshtetërore politike të mbështetën por të gjitha ato nuk do të kenë rëndësinë e vetë pa vulosjen e bashkëpunimit ekonomik.
Do të bëjmë çmos që ti kontaktojmë Institucionet relevante në Shqipëri që ky problem të eliminohet sa më shpejt sepse është koha për bashkëpunim ekonomik, reciprok dhe jo marrëdhëniet tona të dy shteteve të një populli të ndarë të karakterizohen me një idealizëm politik dhe me patriotizëm folklorik, theksoi Kryetari z. Gërxhaliu.
