Tiranë, 29 dhjetor -INSTAT ka njftuar se në nëntor 2013 eksporti i mallrave arriti në 21 mld lekë, duke u rritur afërsisht 7 % në krahasim me nëntor 2012.

Rritje më të madhe ka patur në eksportet e grupeve: “Produkte kimike dhe plastike” afërsisht 45 %, “Prodhime druri dhe letre” afërsisht 41 % dhe “Tekstile dhe këpucë” afërsisht 14 %. Eksporti i grupit “Lëkurë dhe artikujt prej tyre” u ul afërsisht 15 % dhe “Makineri, pajisje dhe pjesë këmbimi” u ul afërsisht 13 %.
 
Në Nëntor 2013 importi i mallrave arriti në 44 mld lekë, duke u ulur 4 % në krahasim me Nëntor 2012. Ulje më të madhe ka patur në importet e grupeve: “Minerale, lëndë djegëse, energji elektrike” 22 %, “ Produkte kimike dhe plastike” afërsisht 12 % dhe “Makineri, pajisje dhe pjesë këmbimi” afërsisht 4 %. Importi i grupit “ Lëkurë dhe artikujt prej tyre” u rrit afërsisht 31 % dhe “Tekstile dhe këpucë” u rrit afërsisht 20 %.

Defiçiti tregtar i këtij muaji është 23 mld lekë, duke shënuar një ulje afërsisht 12 % krahasuar me Nëntor 2012. 

Tregtia me vendet e BE është rreth 66 %. Partnerët kryesorë tregtarë janë Italia, Turqia, Kina dhe Greqia. Tregtia me Italinë është afërsisht 37 %, ndërsa me Turqinë, Kinën dhe Greqinë është afërsisht  7 %.