Paris, 6 mars - Pas panikut të përhapur, tregjet financiare u stabilizuan mesditën e djeshme duke besuar në daljen nga kriza në Ukrainë pas fjalimit mjaft të përmbajtur të presidentit rus, Vladimir Putin.

Putin shprehu siguri pas urdhrit të dhënë, që trupat ruse që patrullonin në pjesën perëndimore dhe në qendër të Rusisë të ktheheshin në bazat e tyre, tregjet kryesore financiare evropiane u përmirësuan ndjeshëm pas deklaratave të Vladimir Putinit mesditën e djeshme.

Në orët në vijim, Bursa e Parisit shënoi një rritje neto prej 2,3 për qind. Ajo e Frankfurtit fitoi 2,29 për qind dhe e Londrës avancoi me 1,65 për qind.

Eurostoxx, i cili bashkon aksionet kryesore evropiane, shënoi progres prej 2,45 për qind.