Moskë, 13 dhjetor -  Rusia aty nga viti 2020 mund të arrijë në sferën e eksporteve të armëve vëllimin prej rreth 50 miliardë dollarë në vit, deklaroi Zëvendës kryeministri i Rusisë Dimitri Rogozin.

\"Pa marrë parasysh inflacionin, unë mendoj se ne mund të dalim në vitin 2020 në volumin prej 50 miliardë $ në vit. Ndërsa kjo është një rritje deri në katër herë\", - tha Rogozin.

Sipas fjalëve të Dimitri Rogozin, nuk ka asnjë dyshim se Rusia jo vetëm do t’i ruajë vetes vendin e eksportueses së dytë më të madhe të armëve në botë, por dhe do të ulë hendekun në mes të vendit të parë dhe të dytë.