Ankara, 1 tetor - Deficiti i tregtisë së jashtme të Turqisë, në tetë muajt e këtij viti, është rritur mbi 22.5 për qind dhe ka arritur në afro 10 miliardë dollarë.

Zyra e statistikave e qeverisë turke, duke dhënë këtë lajm, theksoi se importet e Turqisë janë rritur dukshëm në krahasim me eksportet e këtij vendi dhe kjo ka ndikuar direkt në uljen 13 për qind të vlerës së lirës turke kundrejt dollarit amerikan, çka ka tronditur tregun në këtë vend.

Vetëm në muajin gusht të këtij viti, Turqia ka eksportuar 11.174 miliardë dollarë, çka përbënë një ulje prej 3.4 për qind në krahasim me të njëjtën periudhë të vitit të kaluar.