Bruksel, 13 mars - Parlamenti Europian kërcënoi me veto marrëveshjen e ardhshme tregtare me Shtetet e Bashkuara, derisa Uashingtoni të pushojë përgjimin e institucioneve.

Ligjvënësit europianë miratuan një rezolutë formale e cila u bën thirrje zyrtarëve europianë të ndalojë marrëveshjen për të dhënat bankare dhe të ashtuquajturën marrëveshjen \'Porti i Sigurtë\'.

Rezoluta vjen pas deklaratave të fundit të ish-punonjësit të Agjencisë Kombëtare Amerikane të Sigurisë, Edward Snowden, i cili tha se Uashingtoni përgjon rregullisht mbledhjet dypalëshe të nivelit të lartë, përfshirë liderët europianë, e kancelaren gjermane Angela Merkel.

Çdo marrëveshje tregtare me ShBA-në duhet të ratifikohet nga Parlamenti Europian.