Shkup, 5 tetor - Maqedonia renditet ndër dhjetë vendet më të përshtatshme për të nisur një biznes, thuhet në një raport të Bankës Botërore.

Sipas tij, Maqedonia është në pozicionin e pestë, pasi gjatë viteve të fundit ka thjeshtuar procedurat për hapjen e bizneseve, duke ulur nivelin e kapitaleve të nevojshme, reduktimin e procedurave të aplikimit dhe ka përmirësuar shërbimin e shpejtë online.

Zelanda e Re kryeson klasifikimin, e ndjekur nga Australia, Kanadaja e Singapori. Në dhjetëshen më të mirë janë edhe Hong Kongu, Gjeorgjia, Ruanda, Bjellorusia dhe Irlanda.