Prishtinë, 2 gusht - Gjakovë, sot në orët e para të mëngjesit oficerët doganor kanë arritur të parandalonin kontrabandimin e medikamenteve nga Shqipëria përmes kalimit të Qafës së Morinës.

Pas ndalimit të një fugoni me targa të Shqipërisë oficerët doganor kanë gjetur medikamente dhe thasë najloni të cilat kane qenë të kamufluara.

Furgoni është mbyllur dhe në përcjellje të pjesëtareve të Anti-kontrabandës është shoqëruar për kontroll detale në Terminalin Doganor Prizren.

Pas hapjes dhe kontrollit detal është konstatuar sasia e mallit:
-    Medikamente te ndryshme 3577 kuti
-    Thasë najloni 32 kg.
-    Material izolues
Për mallin e lartcekur pala nuk disponon asnjë dokumentacion, kurse mallrat dhe furgoni janë konfiskuar. Është ngritur kundërvajtje doganore si dhe është iniciuar procedura hetimore lidhur me këtë rast.