Ankara, 2 mars - Sipas të dhënave që ka publikuar Asambleja e Eksportuesve të Turqisë (TIM), në shkurt të këtij viti, krahasuar me të njëjtën periudhë të 2013-s, eksportet turke u rritën me 4,3 për qind dhe u realizuan në 12,93 miliardë dollarë.

Sektori që regjistroi rritjen më të lartë në eksporte në këtë periudhë të vitit ishte ai i automobilistikës me 1 miliardë e 836 milionë dollarë.

Gjermania kryeson listën e vendeve, në të cilin Turqia ka eksportuar më shumë mallra dhe shërbime.

E llogaritur në bazë vjetore eksportet turke kanë kapur shifrën 152 miliardë e 509 milionë dollarë.