New York, 26 shtator - 17 vende të botës, ndër të cilat ShBA-ja, Filipinet dhe Afrika e Jugut nënshkruan të martën Traktatin e Tregtisë së Armëve.

Në këtë mënyrë mbi 50% e vendeve anëtare të OKB-së, janë aktualisht pjesë e këtij dokumenti ndërkombëtar.　

Sekretari i përgjithshëm i OKB-së Ban Ki-moon, përshëndeti këtë akt, dhe theksoi se pjesëmarrja e ShBA-së ka një domethënie të veçantë, pasi është vendi me eksportin më të madh të armëve në botë.

Ndërsa, sekretari amerikan i shtetit John Kerry, pas nënshkrimit të traktatit tha se \"SHBA-të synojnë me këtë veprim që armët të mos bien në duart e terroristëve dhe të garantohet siguria në botë\".

Sipas disa politikanëve amerikanë, nënshkrimi i traktatit bie ndesh me disa norma të kushtetutës për të drejtën e shtetasve amerikanë për përdorimin e armëve.