Manchester , 21 tetor - E ardhmja e Ashley Young mund të jetë larg Manchester Unitedit. Mesfushori anglez nuk bën pjesë në planet e menaxherit David Moyes, prandaj gjatë janarit ai mund t’i bëjë valixhet gati.

Sipas uebfaqes goal.com, ‘Djajtë e Kuq’ janë të gatshëm t’i dëgjojnë ofertat që vijnë për futbollistin e krahut gjatë dimrit.

28 vjeçari paguhet 110 mijë funte në jave, plus bonuset, një shumë e madhe kjo për një lojtar që nuk shihet si e ardhme e klubit nga Old Traffordi.

Madje, Moyes e ka akuzuar Youngun, për shkak të simulimeve të tij në fushë. “E kam thënë shpesh se nuk i dua aktrimet. Ai e meritoi kartonin e verdhë. Unë nuk dua në ekipin tim lojtarë që aktrojnë, nuk dua që ndokush ta bëjë këtë”, ka thënë ish trajneri i Evertonit.