Munich, 12 prill - Pavarësisht ofertave të majme nga klubet e mëdha evropiane, megjithatë, mesfushori i Borussia Monchengladbach, Granit Xhaka nuk do të largohet nga skuadra gjermane.

Kështu mendon Drejtori sportiv i Monchengladbach, Max Eberl.

Ai është i bindur se Xhaka nuk do të largohet gjatë verës. Sipas tij, reprezentuesi shqiptar i Zvicrës nuk ka rinovuar kontratën për tu larguar në merkaton e verës.

“Unë e di se Graniti nuk e ka rinovuar kontratën e tij disa javë më parë për të shkuar gjatë verës për 25 milionë euro”, tha Eberl.

Trajneri i Atletico Madridit, Diego Simeone duket se prioritet në merakton e verës do ta ketë mesfushorin shqiptar.

Eberl e pranon interesimin e madrilenëve për Xhakën, por ai thotë nuk dëshiron të merret më këtë çështje në këtë periudhe.

“Unë kam dëgjuar për ta. Unë nuk dua të merrem me ata në këtë moment”, tha Eberl. Ndryshe, 22 vjeçari kërkohet edhe nga Bayern Munich.